Contact us at (800) USC-CARE (800-872-2273)

USC Caruso Department of Otolaryngology

USC Caruso Department of Otolaryngology2019-02-06T15:03:14+00:00

Բուժման զարգացած եղանակներ. USC Ակուստիկ նյարդուռուցքի կենտրոն

USC Ակուստիկ նյարդուռուցքի կենտրոնը հիվանդներին տրամադրում է կարեկցանքով լի, համապարփակ խնամք: Մենք առաջարկում ենք նորարարական և զարգացած բուժման եղանակներ, որոնք կարող են օգնել հիվանդներին հաղթահարել ակուստիկ նյարդուռուցքն ու վերականգնել լսողությունը: Մենք սկսում ենք հիվանդության պատմության անվճար ուսումնասիրությամբ, սերտորեն համագործակցում ենք հիվանդների հետ, որպեսզի գնահատենք նրանց վիճակը և առաջարկենք բուժման առավել հարմար տարբերակը՝ սկսած զննումներից մինչև միկրովիրաբուժությունն ու ռադիովիրաբուժությունը: Շնորհիվ մեր զարգացած բուժումների հիվանդները ավելի քիչ կողմնակի ազդեցություններ են ունենում, հետևաբար կարող են ավելի շուտ վերադառնալ ակտիվ կենսակերպին:

Read More »


Լինելով USC Թինա և Ռիք Կարուսո Քիթ-կոկորդ-ականջ-գլուխ և պարանոցի վիրաբուժության բաժանմունքի մի մասը՝ USC Ակուստիկ նյարդուռուցքի կենտրոնում աշխատում են աշխարհի առաջատար բժիշկներից ոմանք: Մեր բազմամասնագիտացած թիմը բաղկացած է ականջաբանության, նյարդաբանության, քիթ-կոկորդ-ականջաբանության, ճառագայթաբանության, ճառագայթային ուռուցքաբանության, նյարդա-ուռուցքաբանության, նյարդավիրաբուժության և ֆիզիկական թերապիայի ոլորտների փորձագետներից: Այս թիմը կանոնավոր կերպով հանդիպում է հիվանդությունները քննարկելու և յուրաքանչյուր հիվանդի համար համապարփակ բուժման ծրագիր մշակելու համար:

Մենք մեծ փորձ ունենք ակոջստիկ նյարդուռուցքի բուժման գործում, որի շնորհիվ հազարով հիվանդների բուժումը հաջողությամբ է պսակվել: Մեր կենտրոնն ունի վերընդունելության ցածր սակագներ, հիվանդանոցում մնալու ավելի կարճ ժամանակահատվածներ՝ համեմատած գիտական բժշկական այլ կենտրոնների հետ: GammaKnife® բուժման եղանակների օգնությամբ շատ հիվանդներ նույն օրը դուրս են գրվում: Մենք իրականացնում ենք շարունակական ֆիզիկական թերապիա և կարող ենք կոորդինացնել հետագա խնամքը ձեր բուժող բժշկի հետ:

Ի՞նչ է ակուստիկ նյարդուռուցքը:

Ակուստիկ նյարդուռուցքը կամ վեստիբուլյար շվաննոման դանդաղ աճող բարորակ ուռուցք է, որն առաջանում է հավասարակշռության նյարդի արտաքին թաղանթից: Ակուստիկ նյարդուռուցքները հաճախ առաջանում են ներքին լսողական ուղու մեջ, որը բաղկացած է դիմային նյարդից, լսողական նյարդից և հավասարակշռության երկու նյարդերից: 30-60 տարեկան մարդիկ ակուստիկ նյարդուռուցքից տառապելու հավանականություն ունեն. Միացյալ Նահանգներում տարեկան մոտ 5,000 դեպք է արձանագրվում:

Ակուստիկ նյարդուռուցքները շատ դանդաղ են աճում (տարեկան ընդամենը 1.5 մմ, կամ նույնիսկ ավելի քիչ), և շատ հիվանդներ ախտանիշներ չեն ունենում մի քանի տարիների ընթացքում: Կախված նյարդուռուցքի գտնվելու ճշգրիտ վայրից՝ պարզ են դառնում հիվանդի ախտանիշները, որոնք կարող են ներառել լսողության կորուստ, ականջների զնգոց և հավասարակշռության խնդիրներ: Որոշ դեպքերում սպասելու և հետևելու եղանակի միջոցով կարելի է հետևել փոքր նյարդուռուցքի զարգացմանը մի քանի ամիսների կամ տարիների ընթացքում՝ վստահ լինելու համար, որ այն չի սկսի ազդել լսողության կամ հավասարակշռության վրա:

Ակուստիկ նյարդուռուցքի բուժումը կախված է շատ հանգամանքներից՝ հիվանդի տարիքից, առողջական վիճակից, որոշակի ախտանիշներից և լսողության կորստի աստիճանից: ՄԻ քանի փորձագետներ աշխատում են միասին, որպեսզի ճշգրիտ գնահատեն նյարդուռուցքի չափսն ու գտնվելու վայրը, և հետո բազմամասնագիտացված բուժման ծրագիր մշակեն, որը կհամապատասխանի յուրաքանչյուր հիվանդի կարիքներին:

Ուռուցքի միկրովիրաբուժական հեռացումը, ըստ ավանդույթի, եղել է նախընտրելի բուժման տարբերակ շատ հիվանդների համար, անգամ մեծ նյարդուռուցքների դեպքում և երբ հիվանդը գլխապտույտներ ու հավասարակշռության խախտումներ է ունենում: Վիրահատությանը հիմանականում հաջորդում են հիվանդանոցային պայմաններում խնամքի երեքից հինգ օրերը:

Ճառագայթումը, որն իրականացվում է GammaKnife® բուժումների միջոցով, նվազ միջամտությամբ տարբերակ է: Հիվանդները հիմնականում տուն են գնում վիրահատության նույն օրը՝ ունենալով ավելի քիչ կողմնակի ազդեցություններ: Ճառագայթումը առավել հաճախ իրականացնում են 65 տարեկանից բարձր հիվանդների դեպքերում:

Contact us at (800) USC-CARE (800-872-2273)

Առողջական ձեր պատմության փորձագիտական ուսումնասիրություն

Մենք առաջարկում ենք առողջական ձեր պատմության անվճար ուսումնասիրություն հեռախոսային խորհրդատվության միջոցով: Ավելին իմանալու համար խնդրում ենք զանգահարել +1 (323) 442-5790 հեռախոսահամարով:

Եթե ճանապարհորդում եք Միացյալ Նահանգներից դուրս, USC միջազգային առողջության անձնակազմը կարող է ձեզ և ձեր ընտանիքին աջակցել ճանապարհորդության և կացարանի, հիվանդների պաշտպանության հարցերում և օգնել առողջական խնամքի գործընթացի ուղղորդման մեջ: Իմանալ ավելին USC International Health-ի մասին:

Keck Medicine of USC
Univeristy of Southern California
Keck Medicine of USC
Keck Medicine of USC
Keck Medicine of USC is the University of Southern California’s medical enterprise, one of only two university-owned academic medical centers in the Los Angeles area.